சும்மா...

1. இளையராஜா, ஒரு கூரான மயிலிறகு . தேம்பிக் கொண்டே சிணுங்கும் வயலின், இளம் பெண்ணின் எச்சில் முத்தம் போல் இருக்கிறது. இளையராஜாவும் காதலைப் போலத்தான் , சடாரென ஒருநாள்  போட்டுத்தாக்கும்.
2. வரலாறு -உண்மையையும் பொய்யையும் சரிவிகித்தில் உண்டு செரித்த பேரழகுப் பன்றி ...
3. கடவுளின் சாந்தத்தை விட பேயின் ஆக்ரோஷம் வலிமையானதாய் தோன்றுவதாலோ என்னவோ, உன்னை பேரழகுப் பேய் என்றே வர்ணிக்கத் தோன்றுகிறது ...
4. எந்த ஒரு பெண்ணையும் சற்று உற்றுப்பார்த்தால், அழகுக்கான ஏதாவது ஒரு அம்சமாவது பிடிபட்டுவிடுகிறது ...
5. நீரைச் சுத்திகரிக்கும் மீனுக்கு, சளியை உணவாக அளிப்பது போல் இருக்கிறது, பெருநகர வாழ்க்கை...
6. பாவ ஆன்மாக்கள் அனைத்தும் , தூய்மையான அன்பின் நுனி விரலின் தீண்டலுக்காகவாவது காத்திருப்பவைதான் ...
7. ரகுமானில் தொடங்கி ஹாரிஸை ரசித்து யுவனைப் பிடித்து வித்யாசாகரை வியந்து இறுதியில் வந்ததென்னவா இளையராஜாவிடம் தான் ...
8. மென்னுணர்வுகளை கீறிவிடுவதுதான் இரவுகளின் இயல்பு போலும் ...
9. சிக்னலில் காத்திருந்த நேரத்தை சேமித்தால் இன்னொரு வாழ்க்கைக்கான நேரம் கிடைத்துவிடும் போல ...
10. என்னை நான் அந்தரங்கமாக உணரும் நேரம் இரவு மட்டுமே ...
11. நான் எச்சில் விழுங்கும் சப்தம் எனக்கே கேட்க வைக்கும் உணர்வே என்னை ஒருசேர அற்பனாகவும் உன்னதனாகவும் எண்ணச் செய்கிறது ...
12. நிர்பந்தத்திற்காய் ஓடிப்பழக்கப்பட்ட நாய்க்கு சுயமாய் நடக்கக் கூடத் தெரியாதுதான்.
13. அரவணைப்புக்காய் ஏங்கும் இதயங்களெல்லாம் கொஞ்சம் கரடுமுரடாய்த்தான் இருக்கும் போல...
14. சாவைப் போல எளிதானதில்லை அதைப்பற்றி சிந்திப்பது.
15. அர்த்தம் புரிந்த சொற்களை விட, அர்த்தம் உணர முடிந்த சொற்கள் ஆழமானவை.
16. கருவாச்சிகளின் அழகைச் சொல்வதற்கான வார்த்தைகள் இன்னும் முழுமையாய் கண்டுபிடிக்கப்படவில்லை போலும்.
17. தோளில் புரளும் கூந்தலை கை கொண்டு ஒதுக்காமல், ஒரு சிறு தலைச் சிலுப்பலில சரி செய்யும் கருவாச்சிகள்தான் எவ்வளவு அழகு.
18. இரவு, கனிவையும் காயத்தையும் ஒருசேரச் சொரிந்து விட்டு விடுகிறது...
19. கற்பனையிலும் கனவிலும் வரும் பெண்களுக்கு இணையான அழகை நிஜத்தில் கண்டிலன் :(
20. புத்தன் தன்னை கௌதம சித்தார்த்தனாகவும், நாம் கௌதம சித்தார்த்தனை புத்தனாகவும் கண்டோம் #அவ்ளோதான் வாழ்க்க